Martxoa 28th, 2012 by admin
Bateragune auziko auzipetuen askatasuna eskatzeko mobilizazioa egin dute gaur goizean Bilboko Justizia Jauregiaren aurrean. Gaurkoan Defentsak auziaren kontra jarritako helegitea aztertu du Auzitegi Gorenak eta epaileek adostasunik lortu ez dutenez hurrengo egunetan jarraituko dute deliberatzen.
Aurreko urteko ekaina eta uztaila bitartean aurrera eraman zen Bateragune auzia, eta irailean Auzitegi Nazionalak zortzi eta hamar urte bitarteko espetxe zigorrak ezarri zizkien Arnaldo Otegiri, Rafa Diezi, Arkaitz Rodriguezi, Sonia Jacintori eta Miren Zabaletari. Gaur goizean, Auzitegi Gorenak epaiaren kontrako helegitea aztertu du eta epai baten zain daude abokatuak, fiskaltza eta epaitutako lagunak. Deliberatzen egon diren tartean, baina, ez dira akordio batera iristeko gai izan eta beste egun batean jarraituko dutela ohartarazi du epaimahaiak. Erabakia, hortaz, datozen egunetan hartuko dute.
Egoera horren aurrean, eguerdiko 12:00etan elkarretaratzea egin dute Justizia Jauregiaren aurrean auzipetutako kideen kaleratzea eskatzeko eta bertan, Maribi Ugarteburu ezker abertzaleko eledunak eta beste hainbat politikarik adierazi dutenez, “gizartearen gehiengoak jarduera politikoa normaltasunez egin ahal izatea bilatzen du eta ondorioz, gaurko ebazpena absoluzioa izatea ezinbestekoa” dela azaldu dute.
Zigorrei dagokionez, Arnaldo Otegi eta Rafa Diezen aurka hamarna urteko espetxe zigor eskaera berresteko eskatu dio Fiskaltzak epaimahaiari “erakunde terroristako buruzagi” izatea egotzita eta beste hirurei zortzina urtekoa, “erakunde terroristako kide” izatea leporatuta. Ezker Abertzaleak “Auzitegi Nazionalak estrategia armatuarekin haustea ekarri zuen eztabaidaren sustatzaileak zigortu” dituela azaldu du.
Auzian, Txelui Moreno, Mañel Serra eta Amaia Esnal ere epaitu zituzten baina epaimahaiak errugabetu egin zituen eta fiskalak haien kontrako akusazioa atzera bota zuen, zigorrik ezartzeko nahikoa froga ez zegoela argudiatuz.
Gernikako Osoko Bilkura
Gaur goizean Gernikan Batzar Nagusietako alderdi politikoek Osoko Bilkura izan dute eta bertatik, Bilduko batzarkideek babesa adierazi nahi izan diete Bateragune auzian auzipetutako lagunei.
Abando
Abusu
Alde Zaharra
Altamira
Ametzola
Arangoiti
Atxuri
Bilbo Zaharra
Buia
Deustu
Deustuibarra
Errekalde
Indautxu
Irala
Miribilla
Olabeaga
Otxarkoaga
San Adrian
San Inazio
Santutxu
Uribarri
Zorrotza
Larunbatean M18 Plazara! ekimena burutuko du Herrirak. Bilbon, goizean, mobilizazioak egingo dituzte Indautxu, Otxarkoaga eta San Inazion. Arratsaldean berriz, 18:00etan Arriaga plaza bete ostean ekimen kultural ibiltaria egingo dute hainbat musikari eta bertsolariren parte hartzearekin. Roberto Noval Bilboko Herrirako bozeramaileak honetaz eta beste hainbat kontuez hitz egin digu.
Fiskalak 14na urteko espetxe zigor eskaera egin du Urtzi Martinez, Jon Telletxea eta Aitor Fernandezentzat. Atxilotu zutenean adin txikikoa zen Irantzu Yaldebererentzat, berriz, 18 hilabetez gizarte-lanak egitea eskatu du. Mobilizazio sozialen aurkako “jazarpen eta errepresioaren” testuinguruan kokatu dituzte eskaerak eta auziaren artxibatzea lortzeko atxikimendu bilketa eta interlokuzio dinamika bat abiatuko dute.
Parece evidente que la sociedad está cada vez más alejada de las religiones, y muy especialmente de la Iglesia católica, como consecuencia de no representar en absoluto los valores y creencias de la mayoría social. Sin embargo, hay instituciones como el Ayuntamiento de Bilbao, que siguen empeñadas en mantener esa estrecha relación Estado-Iglesia, muy alejada de la aconfesionalidad que deberían ejercer.
2011 © Bilboko Brankae-posta: bilbobranka@gmail.com
