Apirila 24th, 2012 by admin
Gaur arratsaldean, Auzolan proiektuak “Auzolanaren kultura” liburua aurkeztuko du Kafe Antzokian. Era berean, Bilboko auzo eta errealitateei so egingo diete eta auzolanaren beharra azalduko dute solasaldi batean.
Auzolana, herri-ekimena eta antolaketa modu komunitarioak, gure tradizioan dauden elkarbizitza modu preliberalak eta prekapitalistak diren neurrian, modu kritikoan aztertu behar ditugun argibide ugari eman ahal dizkigute. Kontzeptu horren harira Auzolan proiektua sortu zen eta gaurkoan, 20:00etan, Bilboko Kafe Antzokian solasaldia antolatu dute “Auzolanaren kultura” liburuaren inguruan hitz egiteko eta auzolanak eta herri-antolamenduak duen garrantziaz jabetzeko.
Jardunaldian hainbat gai landuko dira. Sistemari nola aurre egin ahal zaion eta Bilbon zer egiteko aukera dagoen eztabaidatuko dute. Hori da izan ere Auzolan proiektuak bilatzen duena. Antolatzaileen esanetan, antolatuta dagoen herriak bere bilakaeran eragiteko gaitasuna du, bere etorkizuna gidatzeko ahalmena eta herritarren autoantolakuntza funtsezkoa ikusten dute historiaren subjektua izateko. Gaur egun, “merkatu kapitalistak eta administrazio publikoek euren logika merkantilistak eta normatibistak ezartzen” dituztela argi daukate eta, ondorioz, gure bizimoduak “gero eta merkantilizatuago eta normatibizatuago” daudelakoan daude.
Zentzu horretan, kapitalaren eta bizitzaren arteko gatazka bereizten dute, akumulazioaren eta etekinaren logika bateraezinak direlako bizitzaren eta elkarren zaintzaren logikarekin. Egun krisian dagoena ez da soilik ekonomia, zibilizazio modu oso bat da, munduan egoteko eta bizitza ulertzeko modu bat. Beraz, herritarren autoantolakuntzak, auzolana eta herrigintzak, bere logika propioetan autozentratuz, jendartearen antolakuntza beste modu batez produzitu daitekeela uste dute.
Abando
Abusu
Alde Zaharra
Altamira
Ametzola
Arangoiti
Atxuri
Bilbo Zaharra
Buia
Deustu
Deustuibarra
Errekalde
Indautxu
Irala
Miribilla
Olabeaga
Otxarkoaga
San Adrian
San Inazio
Santutxu
Uribarri
Zorrotza
Larunbatean M18 Plazara! ekimena burutuko du Herrirak. Bilbon, goizean, mobilizazioak egingo dituzte Indautxu, Otxarkoaga eta San Inazion. Arratsaldean berriz, 18:00etan Arriaga plaza bete ostean ekimen kultural ibiltaria egingo dute hainbat musikari eta bertsolariren parte hartzearekin. Roberto Noval Bilboko Herrirako bozeramaileak honetaz eta beste hainbat kontuez hitz egin digu.
Fiskalak 14na urteko espetxe zigor eskaera egin du Urtzi Martinez, Jon Telletxea eta Aitor Fernandezentzat. Atxilotu zutenean adin txikikoa zen Irantzu Yaldebererentzat, berriz, 18 hilabetez gizarte-lanak egitea eskatu du. Mobilizazio sozialen aurkako “jazarpen eta errepresioaren” testuinguruan kokatu dituzte eskaerak eta auziaren artxibatzea lortzeko atxikimendu bilketa eta interlokuzio dinamika bat abiatuko dute.
Parece evidente que la sociedad está cada vez más alejada de las religiones, y muy especialmente de la Iglesia católica, como consecuencia de no representar en absoluto los valores y creencias de la mayoría social. Sin embargo, hay instituciones como el Ayuntamiento de Bilbao, que siguen empeñadas en mantener esa estrecha relación Estado-Iglesia, muy alejada de la aconfesionalidad que deberían ejercer.
2011 © Bilboko Brankae-posta: bilbobranka@gmail.com
