Maiatza 23rd, 2012 by admin
Bilduk omenaldi xumea eskainiko die bihar Gatzaren matxinadaren ondorioz 1634. urtean Espainiako monarkiak hildako sei bizkaitarrei. Txema Azkuenaga bozeramaileak lore sorta bat utziko du eguerdiko 12:00etan 1634ko maiatzaren 24an matxinoak hil zituzten lekuan, San Antoneko elizaren horma nagusian.
Azkuenagak, Espainiako monarkiak hilarazitako sei bizkaitarren memoria aldarrikatzeaz gain, orduko matxinada eta gaur egungo krisi egoeraren arteko paralelismoa azpimarratu du. Bilduk, bukatzeko, halako ekimenak Udalak bere gain hartu ez izana deitoratzen du.
Gatzaren jabetza
Wikipedian irakur daitekeenez, Gatzaren matxinada deitutakoa 1631 eta 1634 artean Bizkaian izandako matxinada izan zen, Bizkaiko jaurerriak biltegiratuta zuen gatzaren jabetza eta salneurria sorturikoa.
1631ko urtarrilaren 3ko Errege Agindu baten bidez, gatzaren prezioa % 44 igotzeaz gainera, bildutako gatz guztia konfiskatu eta Errege Ogasunak bakarrik salduko zuela agindu zuten. Horrela habsburgotarrek Iparraldeko Europan zituzten gerrak finantzatu nahi zuten, foru-eskubideak eta zerga-salbuespena urritzen zituzten arren.
Erregeak lehen ere horrelako beste arau batzuk ezarriak zituenez, adibidez artile eta oihalen merkataritzari ezarritako tasa, baserritarrek eta burgesek, aho batez, errege funtzionarioen aurka egin zuten, eta 1632ko urrian Korrejidorearen prokuradorea hil zuten. Era berean, 1633an Gernikan egitekotan zegoen Batzar Nagusien bilera ere gelditu zuten, neurriz kanpoko zergak kendu eta Foruek ezartzen zituzten zerga-salbuespenari itzultzea eskatuz. Ordurako, gatzaren bahitura eta salneurriaren arrazoia, matxinada piztu zuena, jadanik ia ahaztuta zegoen.
Matxinadak, aldizka, beste hiru urte iraun zuen. 1634ko udaberrian, Bizkaiko buruzagi nagusiak atxilotuak eta San Anton elizaren ondoan hil zituzten. Giroa baretzeko asmotan, berriz, Filipe IV.a Espainiakoak beste matxinoei barkamena eman eta gatzaren salneurri-igoera kendu zuen.
Abando
Abusu
Alde Zaharra
Altamira
Ametzola
Arangoiti
Atxuri
Bilbo Zaharra
Buia
Deustu
Deustuibarra
Errekalde
Indautxu
Irala
Miribilla
Olabeaga
Otxarkoaga
San Adrian
San Inazio
Santutxu
Uribarri
Zorrotza
Larunbatean M18 Plazara! ekimena burutuko du Herrirak. Bilbon, goizean, mobilizazioak egingo dituzte Indautxu, Otxarkoaga eta San Inazion. Arratsaldean berriz, 18:00etan Arriaga plaza bete ostean ekimen kultural ibiltaria egingo dute hainbat musikari eta bertsolariren parte hartzearekin. Roberto Noval Bilboko Herrirako bozeramaileak honetaz eta beste hainbat kontuez hitz egin digu.
Fiskalak 14na urteko espetxe zigor eskaera egin du Urtzi Martinez, Jon Telletxea eta Aitor Fernandezentzat. Atxilotu zutenean adin txikikoa zen Irantzu Yaldebererentzat, berriz, 18 hilabetez gizarte-lanak egitea eskatu du. Mobilizazio sozialen aurkako “jazarpen eta errepresioaren” testuinguruan kokatu dituzte eskaerak eta auziaren artxibatzea lortzeko atxikimendu bilketa eta interlokuzio dinamika bat abiatuko dute.
Parece evidente que la sociedad está cada vez más alejada de las religiones, y muy especialmente de la Iglesia católica, como consecuencia de no representar en absoluto los valores y creencias de la mayoría social. Sin embargo, hay instituciones como el Ayuntamiento de Bilbao, que siguen empeñadas en mantener esa estrecha relación Estado-Iglesia, muy alejada de la aconfesionalidad que deberían ejercer.
2011 © Bilboko Brankae-posta: bilbobranka@gmail.com
