Iraila 14th, 2012 by admin
Egunero karpa bat jarriko dute auzoko puntu ezberdinetan greba deialdiari buruzko informazioa zabaltzeko. Gainera, saltoki guztietara joko dute grebaren zergatiak azaltzera eta irailaren 24an kalejira zaratatsua egingo dute auzotik, beste gauza batzuen artean. Grebatik haratago lanean jarraitzearen beharra azpimarratu du asanbladak.
Martxoko greba orokorrean hasitako dinamikari jarraituz, Deustuko greba asanbladak bilera egin zuen asteartean, Brankari ohar baten bidez jakitera eman diotenez. 35 lagun inguru bildu ziren San Pedro plazan eta martxoaren 29ko greban egindako lana eta, jasotako erantzunaren balorazio positiboa egin ondoren, irailak 26ko grebaren prestaketari ekin zioten.
Greba asanbladatik ziurtatu dutenez, datorren astelehenetik aurrera egunero jaima bat jarriko dute Deustuko hainbat tokitan herritarrei informazioa emateko. Horrez gain, greba batzordeko kideak auzoko komertzio guztietatik pasako dira grebaren zergatiak azaltzera.
Baina badira kontuan hartzeko beste hitzordu batzuk. Horrela, esaterako, irailaren 19an, asteazkena, 19:30ean San Pedron Elkartzeneko kide batek hitzaldia eskainiko du. Larunbata 22, berriz, plazatik hasita Deustuko poteo gune ezberdinetatik igarota poteo-parodia ikusgarri bat egingo dute eguerdiko 13:00etan hasita. Hurrengo astelehenean, hilak 24, 18:00etan kalejira zaratatsua egingo dute Deustu osotik. Ondoren, 20:00etan beste asanblada bat egingo dute greba eguna antolatzeko. Eta grebaren bezperan bizikleta eta kotxe karabana masiboa egingo dute Botika Zaharreko aparkalekutik 18:45ean.
Asteartean egindako asanbladan grebatik haratago lanean jarraitzearen beharra azpimarratu zuten hainbat parte hartzailek eta grebaren ostean horren inguruan eztabaidatzen jarraituko dutela agindu zuten. Halaber, aurreko greban izandako istiluen harira Ertzaintzak atxilotutako hiru grebalari deustuarrekiko babesa berretsi zuen asanbladak.
Desutuko greba asanbladak antolatutako ekimenetan parte hartzera deitu ditu deustuar guztiak eta e-posta bat sortu dute informazio gehiago nahi dutenei zein modu aktibo batean parte hartu nahi dutenei zuzenduta: deustukogrebaasanblada@gmail.com
[2012/09/14] Greba orokorra heltzear, Asturiasko meatzarien borroka aztergai
[2012/09/13] Kalejira zaratatsua egingo dute Uribarrin greba orokorrari begira
Abando
Abusu
Alde Zaharra
Altamira
Ametzola
Arangoiti
Atxuri
Bilbo Zaharra
Buia
Deustu
Deustuibarra
Errekalde
Indautxu
Irala
Miribilla
Olabeaga
Otxarkoaga
San Adrian
San Inazio
Santutxu
Uribarri
Zorrotza
Larunbatean M18 Plazara! ekimena burutuko du Herrirak. Bilbon, goizean, mobilizazioak egingo dituzte Indautxu, Otxarkoaga eta San Inazion. Arratsaldean berriz, 18:00etan Arriaga plaza bete ostean ekimen kultural ibiltaria egingo dute hainbat musikari eta bertsolariren parte hartzearekin. Roberto Noval Bilboko Herrirako bozeramaileak honetaz eta beste hainbat kontuez hitz egin digu.
Fiskalak 14na urteko espetxe zigor eskaera egin du Urtzi Martinez, Jon Telletxea eta Aitor Fernandezentzat. Atxilotu zutenean adin txikikoa zen Irantzu Yaldebererentzat, berriz, 18 hilabetez gizarte-lanak egitea eskatu du. Mobilizazio sozialen aurkako “jazarpen eta errepresioaren” testuinguruan kokatu dituzte eskaerak eta auziaren artxibatzea lortzeko atxikimendu bilketa eta interlokuzio dinamika bat abiatuko dute.
Parece evidente que la sociedad está cada vez más alejada de las religiones, y muy especialmente de la Iglesia católica, como consecuencia de no representar en absoluto los valores y creencias de la mayoría social. Sin embargo, hay instituciones como el Ayuntamiento de Bilbao, que siguen empeñadas en mantener esa estrecha relación Estado-Iglesia, muy alejada de la aconfesionalidad que deberían ejercer.
2011 © Bilboko Brankae-posta: bilbobranka@gmail.com
